النص الكامل للفيديو — مرجع الاقتباسات

【            —         النص الكامل   للفيديو بعنوان: "ما سر تقريب علي بن أبي طالب للأشتر النخعي المتمرد على عثمان؟ | قصة خلافة علي بن أبي طالب [12]"، للاستشهاد والتوثيق】
  
00:00] بسم الله والحمد لله والصلاة والسلام على رسول الله، مع الحلقة الثالثة عشرة من قصة علي بن أبي طالب رضي
[00:09] الله عنه. وإحنا في الحلقتين اللي فاتوا تحدثنا عن موقف مؤلم من مواقف التاريخ الإسلامي وهو موقف معركة الجمل. وذكرنا
[00:20] خروج الزبير بن العوام من المعركة، وذكرنا استشهاد طلحة بن عبيد الله رضي الله عنه الجميع، وذكرنا سعي عائشة رضي
[00:30] الله عنها لإيقاف القتال عن طريق كعب بن سور اللي هو القاضي المشهور، والذي قتل في النهاية، وكادت عائشة
[00:41] نفسها أن تُقتل لأن هي أُصيب الهودج بتاعها بعدد كبير من السهام وشُجت في رأسها رضي الله عنها. وإحنا ما
[00:50] ذكرناش في الحلقة الماضية كيف انتهت الأمور، يعني إلى أي شيء آلت موقِعة الجمل. الحقيقة المفروض كنا نتكلم في هذا
[00:58] الموضوع في الحلقة اللي إحنا بصددها الآن، لكن أنا أرى أن أؤجل الكلام عن نهايات معركة الجمل إلى الحلقة القادمة،
[01:08] والحلقة ديت أفردها للحديث عن الأشتر النخعي. الحديث عن الأشتر النخعي بنحاول نحل فيه لغز من أكبر ألغاز التاريخ الإسلامي،
[01:22] مهما اتكلمنا في القضية برضه هتفضل عندك علامات تساؤل واستفهام مش واضحة. إحنا بنحاول على قد ما نقدر نحل هذا
[01:31] اللغز مع بعض. كلامنا على الأشتر النخعي ماهواش استطراد بعيد عن الأحداث، لا، الحقيقة إحنا لو اتكلمنا على الأشتر النخعي
[01:40] فإحنا بنتكلم عليه عشان أفهم ما هو قادم من الأحداث. تفصيلات في هذا الموضوع هتحل لنا إشكاليات كبيرة جداً جداً
[01:48] في القصة: في تعامل علي بن أبي طالب مع الحدث، في تعامل معاوية بن أبي سفيان رضي الله عن الجميع
[01:56] مع الحدث. يعني هتبقى القضية محتاجة مننا فهم دقيق، وبالتالي الوقفة ديت وقفة أنا أراها مهمة للغاية. والحلقة ديت
[02:04] من الحلقات المحورية في الحلقة في في القصة كلها على بعضها، وهتفهمنا إزاي الفقيه بيفكر، وإزاي الناس اللي عندها عاطفة
[02:13] تغلب على الفقه أو تغلب على العقل بتتفكر، وده فرق ضخم جداً ومهم.
[02:19] الأشتر النخعي من كبار قادة قبيلة النخع
[02:25] اليمنية، والقبيلة ديت كانت من اليمن أصلاً وبعد كده قطنت في الكوفة، استقرت في الكوفة، من القبائل الكبرى المؤثرة في
[02:34] المنطقة. وإحنا عارفين إن الكوفة كانت تدير شرق العالم الإسلامي، يعني تدير شمال ووسط فارس كله. فمنطقة مؤثرة للغاية مش
[02:45] مسألة مدينة معينة، لا دي مدينة بتسيطر على دولة كاملة، وبالتالي السيطرة على الكوفة من الأمور المهمة جداً عند الدولة
[02:54] المسلمة.
[02:55] الأشتر النخعي في زمن عثمان بن عفان كان معارض ليه، ومعارض معارضة للأسف الشديد سيئة للغاية وشديدة، ودي من
[03:05] أكبر سيئاته الحقيقة؛ لأن هو عثمان بن عفان مظلوم كما وصف النبي صلى الله عليه وسلم، فهو كان خارج على
[03:13] عثمان بن عفان وعمل له قلق مستمر لدرجة إن عثمان بن عفان نفاه من الكوفة إلى الشام عند معاوية
[03:21] بن أبي سفيان رضي الله عنه. وقعد شوية في الشام، وكما يقول رواة أدبه معاوية، يعني تعامل معاه بحزم شديد.
[03:30] ومعاوية سياسي من الدرجة الأولى، فسيطر على الأمور شوية كده. وأعلن الأشتر النخعي إن هو يعني تاب توبة
[03:40] ظاهرية الحقيقة ما كانتش توبة حقيقية هنشوف بعد كده الأحداث. وسيدنا عثمان كان رفيق به، لما رآه إن هو
[03:49] تاب قال خلاص أرجعه إلى بلده، أرجعه للكوفة مرة ثانية. رجع للكوفة، بعد ما رجع للكوفة مباشرة أظهر العداء مرة
[03:57] ثانية لعثمان بن عفان، وكان والي الكوفة سعيد بن العاص الأموي كان في زيارة للمدينة المنورة، وهو راجع إلى الكوفة
[04:06] من المدينة المنورة وقف له الأشتر النخعي بقبيلة النخع يمنعه من دخول الكوفة، وأعلن العصيان المدني الواضح الصريح، وده كان أول
[04:17] خروج مسلح في الدولة المسلمة منذ عهد النبي صلى الله عليه وسلم، وده مشهور في التاريخ بـ يوم الجرعة وقدّمنا عليه
[04:25] حلقة من الحلقات ارجعوا لها بالتفصيل مهمة جداً. وطلبوا مطالب معينة قالوا إحنا مش عايزين سعيد بن العاص والي عثمان
[04:34] بن عفان، وعايزين يولي علينا أبا موسى الأشعري. فعثمان بن عفان وجد الموضوع فيه اضطراب شديد، وممكن الدولة تنهار
[04:45] وتنشق الكوفة بقطاعات شرق العالم الإسلامي، وده شيء خطر في هذا الوقت. فقبل عثمان بن عفان رضي الله عنه بهذا
[04:54] الموضوع وولى أبا موسى الأشعري؛ لأن رجل طبعاً أبو موسى الأشعري من كبار الصحابة، فالحمد لله إنهم اختاروا شخصية مرموقة
[05:02] ومقبولة، فقبل عثمان بن عفان وتولى أبو موسى الأشعري أمر الكوفة في الفترة الأخيرة من عهد عثمان بن عفان
[05:10] رضي الله عنه.
[05:11] الموضوع ما وقفش على كده، الأشتر النخعي بعد شوية اتفق مع المتمردين من الكوفة ومتمردين من
[05:19] البصرة ومتمردين من القبائل اليمنية اللي عايشة في مصر، اجتمعوا كلهم هم الثلاث وفود من البصرة والكوفة ومصر وجاؤوا إلى
[05:28] المدينة المنورة لحصار عثمان بن عفان لإرغام عثمان بن عفان على التنازل عن الخلافة، وخسارة بقى الأحداث اللي إحنا
[05:37] فصلنا فيها تفصيلات كثيرة جداً جداً. الشاهد إن الأشتر النخعي في هذه اللحظة أو المرحلة كان خارجاً على عثمان
[05:47] بن عفان، بل ومحاصراً لبيته، بل ومشجعاً للناس على الخروج عليهم، مش موضوع مش مكتفي بذاته بنفسه بذاته، ولكن كان
[05:57] محرض للآخرين فكان موضوع خطير جداً جداً. لما وصل المدينة المنورة قعد يصعّد مع الناس لحد ما أوصلوا
[06:10] عثمان بن عفان لاختيار من اثنين: يا تتنازل عن الخلافة يا يتم القتل، قُتِل عثمان بن عفان. طبعاً ده تصعيد
[06:18] رهيب. يعني لحد دلوقتي إحنا بنتكلم على شخصية ظاهرة الفساد، يعني بنتكلم على شخصية متمردة خارجة على خليفة عظيم جداً
[06:30] عثمان بن عفان، خليفة راشد الثالث الخلفاء الراشدين، عمل مشاكل كثيرة وعوقب عليها، وخلف في وعده ورجع ثاني للعداء
[06:40] مع إنه أعلن التوبة كما يبدو ظاهرياً، وبيحرض الناس على الخروج على الحاكم بشكل مزري، وده في وجود عدد كبير
[06:51] من الصحابة اللي كانوا رافضين لفعله، مش بس عثمان بن عفان عشان ما نقولش إن دي قضية شخصية، لا معظم
[06:58] الصحابة أو كل الصحابة كانوا رافضين لسلوك الأشتر النخعي.
[07:00] الجانب الثاني من الصورة (اللغز):
[07:08] هو لغز، لغز الأشتر النخعي. إحنا لو كده الأمور لحد كده الدنيا واضحة فين اللغز؟ اللغز بقى إن علي بن
[07:17] أبي طالب رضي الله عنه عندما تولى الخلافة بعد عثمان بن عفان قرّب الأشتر النخعي، قرّبه جداً لدرجة إن هو
[07:26] تقدر تسميه ذراعه اليمين في المعارك المختلفة، سواء في الجمل أو في صفين بعد كده، وكان أحد مستشاريه المقربين. ومش
[07:38] بس كده، ده في الآخر هيوليه مصر (هو مش هيوصل لولاية مصر لأسباب هنتكلم عليها في الحلقات، لكن هو
[07:45] ولاه مصر فعلاً، ولاه مصر وهو رايح مصر ا تُقتل وهو في الطريق، لكن هو ولاه مصر). فطبعاً شيء بالنسبة لغز
[07:55] محترم؛ لأن علي بن أبي طالب فوق الشبهات رضي الله عنه، فمؤكد إن هو ما عندوش أي نوع من المداراة
[08:03] ولا المداهنة ولا المحاباة في غير دين الله عز وجل. ومش مسألة ضغط عليه من قبيلة النخع لكبر حجمها وجلالة
[08:12] قدرها وخطورة أمرها في الكوفة وشرق العالم الإسلامي، ولكن هو بيدي له أكثر من اللي إحنا متوقعينه بكثير، وسايبه
[08:22] قائد ميمنة في الجمل وبرضه من قُوَّات في موقعة صفين ثم والي على مصر. يعني موضوعات مش عادية، مش
[08:32] مجرد إنه تركه، لا ده قد قرّبه وقدّمه. دي نمرة واحد، يبقى أنا ده أول جزء في اللغز. إزاي علي
[08:40] بن أبي طالب رضي الله عنه يقرّب شخصية بهذا المستوى من السوء اللي إحنا شرحناه في الجزء الأول من الحلقة؟
[08:48] النقطة الثانية برضه لما تيجي تراجع تاريخ الأشتر النخعي هتلاقيه مجاهد من الدرجة الأولى، مجاهد من أيام الفتوح الإسلامية، اشترك
[08:57] في موقعة اليرموك وفقد عينه في اليرموك، كان أعور بسبب اليرموك، جهاد في سبيل الله فقد عينه. كان من المقاتلين
[09:05] الشرسين للغاية، من أشد المقاتلين ضراوة. فده نقطة برضه عنده تاريخ مشرف في الفتوح.
[09:10] والنقطة الثالثة برضه اللي بتخلينا برضه
[09:17] محتارين في القصة، إن هو ثابَ (رجع) في اللحظات الأخيرة قبل مقتل عثمان بن عفان رضي الله عنه. إحنا شايفينه محاصر
[09:28] عثمان ومجمع الناس من الكوفة وجاي بيهم ومتمرد بشكل واضح وصريح ومهيج الناس على عثمان بن عفان، لكن هو يبدو
[09:38] إنه ما كانش متوقع الموضوع هيوصل للقتل الحقيقي، يعني مجرد تهويش تخويف لعثمان بن عفان عشان يتنازل عن الخلافة،
[09:48] لكن أن يصل الأمر إلى القتل المباشر لخليفة رسول الله صلى الله عليه وسلم، اللي هو خليفة راشد الثالث، وزوج
[09:58] ابنتي الرسول صلى الله عليه وسلم الوحيدة تلو الأخرى، ورجل تستحي منه الملائكة، وشيخ كبير فوق 80 سنة. عوامل كثير
[10:07] مع بعضها خلته في الآخر "إيه اللي بيحصل ده؟" فجأة كده سبحان الله قبل مقتل عثمان بيوم أو يومين أو
[10:16] ثلاثة قليل جداً من الوقت قبل المقتل ثابَ (رجع) بشدة وقال: "اللي بيحصل ده مش مظبوط، غلط، لا أنا ماليش دعوة بالموضوع
[10:25] ده"، واعتذر عما فعل وبدأ ياخد رد فعل عكسي، بدأ ياخد موقف يدافع فيه عن عثمان بن عفان رضي الله
[10:37] عنه وأرضاه في آخر أيام عثمان بن عفان رضي الله عنه لدرجة إن هو عمل الموقف اللي هكلمكم عليه ده.
[10:45] بيحكي لنا الموقف ده علقمة بن قيس النخعي. علقمة بن قيس ده من كرام التابعين، شخصية برضه فوق الشبهات، من
[10:52] أكبر وأعظم تلامذة عبد الله بن مسعود رضي الله عنهم. علقمة بن قيس بيحكي بيقول: "قلت للأشتر" (هو من نفس
[11:00] قبيلته على فكرة، هو نخعي أيضاً علقمة ابن قيس) فبيحكي للأشتر، الأشتر من نفس قبيلته قريب منه. قلت للأشتر بعد
[11:10] الأحداث، بعد الفتنة وبعد الجمل، يعني وهم قاعدين مع بعض في لحظة هادئة كده بيتكلموا، بيخاطبوا: "لقد كنت كارهاً
[11:18] ليوم الدار" (يوم الدار اللي هو يوم قُتل فيه عثمان بيسموه يوم الدار دار عثمان يعني)، "لقد كنت" بيخاطب الأشتر
[11:27] "أنت يا أشتر كنت كارهاً ليوم الدار فكيف رجعت عن رأيك؟" يعني أنت أنا شايفك في الأحداث بعد كده لما
[11:37] سمعنا القصة إن أنت كنت كارهاً للحصار ده، إزاي أنت كاره ليه وأنت أصلاً جاي مهيج الناس عليه؟ إيه إيه
[11:44] التحول اللي حصل ده؟ التحول الفجائي ده سببه إيه أو أنت عملت إيه؟ فقال: "أجل والله إن كنت لكارهاً ليوم
[11:54] الدار، أنا فعلاً حزين جداً للي حصل في يوم الدار ده، في يوم مقتل عثمان. ولقد جئت بأم حبيبة بنت
[12:03] أبي سفيان رضي الله عنهما لأدخلها الدار". وخلي بالك ليه بيذكر أمر أم حبيبة تحديداً؟ لأن هو نفسه (لو أنتم
[12:12] تراجعوا الحلقات) كان منع بغلة أم حبيبة من الدخول على دار عثمان بن عفان وضربها، وكادت أم حبيبة أن تقع
[12:22] من فوق البغلة. شوف قد إيه كان في درجة من الشر. بعد كده لما ثابَ وغير رأيه لما شاف الأحداث
[12:29] حصلت، راح يجيب أم حبيبة ثاني اللي هو كان منعها من الدخول عشان يدخلها كما كانت تريد أن تدخل على
[12:36] عثمان بن عفان (طبعاً أم حبيبة كانت داخلة على عثمان بن عفان عشان تعطي له الماء والغذاء؛ لأنهم كانوا
[12:42] محاصرين المكان). "ولقد جئت بأم حبيبة بنت أبي سفيان رضي الله عنهما لأدخلها الدار. وأردت أن أخرج عثمان في هودج،
[12:53] ده أنا كمان فكرت في أبعد من كده، مش بس أدخل له إعانة، ده أنا أهربّه من هذا الحصار، أخرجه في هودج
[13:00] وأحميه لحد ما يخرج. فابوا أن يدعوني". هم الناس بقى اللي كانوا تبعوه رفضوا ساعتها، وقت الفتنة ما بتلاقيش بقى
[13:09] للأكابر صوت، ما بتلاقيش للمحركين صوت، بتلاقي الغوغاء والدهماء وكله اتكلم مع بعضه، فالناس هاجت اللي هم المتمردين ورفضوا قالوا:
[13:20] "مالنا ولك يا أشتر! إزاي كنت بتشجعنا نيجي ودلوقتي بتمنعنا؟ لا إحنا مش هنمشي". "ولكني" هو بيفسر له ليه
[13:28] بيقاتل دلوقتي مع علي بن أبي طالب "ولكني رأيت طلحة والزبير والقوم بايعوا علياً طائعين غير مكرهين ثم نكثوا
[13:39] عليه". فعشان كده أنا بحارب دلوقتي. يبقى هو الآن هو بيحارب من منطلق سليم، اللي هو منطلق نصرة علي بن
[13:48] أبي طالب ليه؟ لأن طلحة والزبير بايعا طائعين غير مكرهين والقوم كذلك بايعوه طائعون غير مكرهين والآن يقاتلونه والآن يخالفون
[14:01] رأيه والآن يخرجون عن طاعته ف أنا أنصر علياً عليهم لأنهم خرجوا عليه. فدلوقتي منطقه سليم في الحرب وبيفسر لنا إيه
[14:11] اللحظات النفسية والصراع الداخلي اللي كان عنده في حصار عثمان بن عفان رضي الله عنه.
[14:18] إحنا دلوقتي قدام شخصية ذات
[14:21] مكانة، ذات بأس شديد، ذات قيادة، عنده كاريزما عالية جداً، لكنه في مرحلة من مراحل حياته (اللي هي تعتبر السنوات
[14:31] الثلاثة الأخيرة في عهد عثمان بن عفان رضي الله عنه) رأى رأياً فاسداً عن قلة علم، نقول إن هو كان
[14:38] علمه قليل الشرعي، وبالتالي ظن فيما يظن إنه يأمر بالمعروف وينهى عن المنكر فخرج على عثمان بن عفان، ده خروج
[14:48] غير شرعي غير سليم. لو عنده علم شرعي ما يعملش كده. كبار الصحابة مهما اختلفوا مع عثمان بن عفان ما
[14:54] يخرجوش عليه، لكن هو ما عندوش علم شرعي. هو عمل هذه الخروج أو هذه الحركة اللي هي أدت إلى هذه
[15:02] التداعيات الخطيرة. في لحظة من اللحظات أدرك إنه على غير الصواب من الشريعة، وبالتالي رجع، وده برضه دلالة على نوع
[15:13] من الإخلاص في قلبه أو نوع من الارتداع بقول الله وقول رسوله إذا تبين له، هو في الأول ما كانش
[15:21] متبين للأمر ودلوقتي رجع للموضوع، وبالتالي قاتل مع علي بن أبي طالب رضي الله عنه وأرضاه.
[15:29] يبقى علي بن أبي
[15:29] طالب في هذا الموقف شاهد الأشتر النخعي. خلي بالك علي بن أبي طالب في الحدث، إحنا دلوقتي بنتكلم بالروايات اللي
[15:39] في إيدينا، لكن الروايات لا تقص كل شيء، وليست ليست كلها صحيحة. في روايات مدسوسة ومكذوبة وباطلة، وفي روايات قيلت
[15:49] بأهواء معينة، لكن علي بن أبي طالب مش بيقرأ روايات، ده عايش في الحدث. ورأى بأم عينيه الأشتر النخعي وقدر
[15:59] موقفه. وعلي مش شخصية سهلة، شخصية عميقة للغاية، يعني مش إنسان عادي، إنسان أصلاً الرسول صلى الله عليه وسلم قال
[16:07] إنه أقضى الصحابة، يعني أعرفهم بالقضاء، أكثرهم قدرة على الحكم، حكم على الناس. وفي أحاديث كثيرة جداً جداً في مدح
[16:16] علي إيماناً وعلماً، فعنده قدرات خارقة. فهو رأى الأشتر النخعي وعرف إن هو في مرحلة من مراحل حياته غلط وغلط
[16:28] غلط كبير. لكن مهما كانت الأخطاء كبيرة، حتى لو خرج من دين الله عز وجل وعاد إلى دين الله عز
[16:36] وجل، فإن الله يقبله والمسلمين بيقبلوه في هذا الموقف؛ لأنه هو خلاص ثابَ وتاب، تاب من ذنبه، مابقاش أنا بقى
[16:44] عدو له وأعين عليه الشيطان فقربه.
[16:47] حاجة ثانية: إن علي بن أبي طالب رضي الله عنه ما يقدرش يهمل أمره
[16:53] في هذا التوقيت. ما يقولش والله يعني شخصية يعني تابت الحمد لله وكويسة بس مش هستعين بيها. لا، هو شخصية
[17:01] ذات ثقل في هذه الأجواء المضطربة، له دور كبير جداً. ف أنا أنا لو ما استعنتش به في هذه الظروف ممكن
[17:09] الأمة الإسلامية تتأثر فاستعان به وولاه وقربه وقدّمه؛ عشان هو وراه قوم، هو شايفه صار مطمئناً إليه، وبالتالي أنا عايز
[17:21] أستفيد منه بقى في هذا الحدث.
[17:24] في أيام الردة عشان أحكي لكم موقف بعيد عن عن القصة لكن تفهموا طريقة
[17:29] التفكير عند القادة وعند الفقهاء وعند الناس اللي عندهم علم شرعي وفي نفس الوقت علم واقعي. في الردة لما حصلت
[17:40] الردة وانتهت الردة في عهد أبو بكر الصديق رضي الله عنه حصلت بعد الردة على طول الفتوح الإسلامية. الفتوح الإسلامية
[17:49] أبو بكر الصديق رفض أن يستعين بالمرتدين اللي عادوا للإسلام ليه؟ مش مطمئن ليهم، مش مطمئن جايز يرجع في أي
[17:58] لحظة من اللحظات إلى الردة، وبالتالي منع استخدامهم في الفتوح الإسلامية. لما جه عهد عمر بن الخطاب رضي الله عنه
[18:07] وزادت الفتوح واتسعت، وبقت في عندنا فتوح في فارس وفتوح في الشام وفتوح في مصر وشمال أفريقيا، الدنيا بقت واسعة
[18:15] جداً، احتاج عمر إلى الناس، احتاج إلى عدد من الناس. ساعتها قرر أن يستفيد بالمرتدين الذين عادوا إلى الإسلام وقال:
[18:26] دي كانت مرحلة معينة في عهد أبو بكر الصديق، وإحنا عندنا مرحلة ثانية دلوقتي محتاجين فيها الناس دي، ما أقدرش
[18:31] أنا أقول إيه؟ بناقصهم، بلاشهم. لا أنا محتاجهم فاستخدمهم. علي بن أبي طالب في هذا الموقف رأى إنه محتاج لقبيلة
[18:39] النخع ومحتاج للأشتر النخعي ككاريزما وكقيادة وكقوة، وهو في نفس الوقت مطمئن إلى توبته ف جابه ولاّه وأعطاه هذه المناصب.
[18:51] ومع ذلك الأشتر النخعي ما كانش شخصية مريحة في قيادته؛ لأن هو زي ما أنتم شايفين طبعاً واضح إن هو
[18:57] عنده عقلية بتمشيه بإرادته هو، مش سهل القيادة، مش سهل الانصياع لرأي علي بن أبي طالب. عشان كده في قصة
[19:08] علي بن أبي طالب مع الأشتر النخعي كثير هنلاقي من مواقف من علي بن أبي طالب كاره فيها لسلوك الأشتر
[19:16] النخعي، مش عاجبه هذا الموضوع. كما يروي عبد الله بن جعفر بن أبي طالب رضي الله عنهما قال: "كان علي
[19:23] بن أبي طالب رضي الله عنه غاضب على الأشتر". فهو مرات كان بيعمل بيعمل كده، وفي أيام كثير كان بيقطعه،
[19:36] قلاه واستثقله في بعض الروايات، يعني هو ما هواش مستريح قوي للعلاقة مع شخصية الأشتر اللي عايز يكون له انفرادية
[19:46] إلى حد ما في الرأي. لكن علي بن أبي طالب كان بيديره بقدر ما يستطيع من الإدارة. ولما مات الأشتر
[19:53] النخعي (زي ما هنيجي بعد كده في التفصيلات في القصة قُتل) حزن عليه علي بن أبي طالب لحد آخر
[20:01] لحظة يعني من عمر الأشتر النخعي. حزن عليه لما جاء نعيه إلى علي بن أبي طالب قال: "إنا لله
[20:09] وإنا إليه راجعون. يعني مالك وما مالك، وكل هالك. وهل موجود مثل ذلك؟ لو كان من حديد لكان
[20:20] قيداً" (يعني ما هو كان ميداني، هو كان صعب) ومع ذلك "أو كان من حجر لكان صلداً، ما حدش يقدر
[20:27] يكسره، صلد للغاية. على مثل مالك فلتبكِ البواكي". يعني من حزنه على مالك، هو ده اللي المفروض النساء لما تيجي
[20:37] تبكي تبكي على مثل هذا الرجل.
[20:39] فهو حتى علي بن أبي طالب عنده حيرة في التعامل معاه. في شخصية ثقيلة
[20:46] وصعبة في الإدارة، في نفس الوقت شخصية مهمة جداً في الجيش الإسلامي وفي الدولة الإسلامية، عايز يستفيد منه من غير
[20:53] ما يتعرض لمشاكله. موازنات صعبة جداً جداً في حياة علي، لكن ده جزء من شخصية الأشتر النخعي. هذه التزكية من
[21:00] علي بن أبي طالب جعلت علماء السيرة والسنة النبوية يقبلون رواية الأشتر النخعي، ماهوش مطعون فيه على فكرة، ماهوش مجروح.
[21:10] لا، في علماء السنة بياخدوا الحديث اللي رواه الأشتر النخعي، معنى كده إن مطمئنين تماماً إلى إخلاصه وعدم كذبه، ما
[21:18] بيكدبش الراجل ده، اللي عنده بيقوله، وبالتالي أنا أطمئن إلى رواية الحديث النبوي عن طريقه من رواية النسائي ومن رواية
[21:27] الإمام أحمد بن حنبل ومن رواة الطبراني وغيره من رواة السنن.
[21:30] الذهبي بيقول عنه إيه؟ بيقول عنه ملك العرب، الأشتر
[21:35] النخعي، ملك العرب، أحد الأشراف والأبطال المذكورين، حدث عن عمر بن الخطاب وحدث عن خالد بن الوليد وفُقئت عينه
[21:44] يوم اليرموك، وكان شهماً مطاعاً. ثم يقول: وكان زَعِراً (يعني إيه زَعِراً؟ يعني شرس الخُلق، يعني سيء الخُلق، إدارته صعبة).
[21:54] في عُنف فيه. فهو متوازن برضه، الذهبي بيقول إن هو في محاسن لكن في مساوئ، في مشاكل، قلب على عثمان
[22:03] وقاتله، وكان ذا فصاحة وبلاغة. ما تقرأ تحتار هو كويس ولا هو وحش؟ شخصية. بس إحنا عندنا تزكية علي بن
[22:12] أبي طالب اللي هو مش كان مجرد بيزكي واحد عايش في دولة ثانية أو في إقليم من أقاليم الأمة الإسلامية،
[22:18] لا ده كان ملاصق إليه ومصاحب إليه في كل معاركه وفي كل خطواته، فهو أدرى الناس به علي بن أبي
[22:24] طالب رضي الله عنه.
[22:26] أنا شايف إن عيب الأشتر النخعي الرئيسي حب الرئاسة، كان عنده حب رئاسة وده كان بيوجهه،
[22:32] يعني لازم القيادة لازم الإدارة لازم يكون الأمر من من رأسه. وده اللي خلاه يقع في هذه المشاكل. ومع
[22:39] ذلك حب الرئاسة ده ما دفعوش للكذب، وده اللي خلى علماء السنة زي ما قلنا وعلي بن أبي طالب رضي
[22:44] الله عنه يثقون في قدراته.
[22:47] أنا أختم الحلقة بحاجة غريبة جداً، عمر بن الخطاب رضي الله عنه. عمر بن الخطاب
[22:53] والأشتر النخعي، هو أصلاً عمر بن الخطاب مات من سنين لكن سبحان الله، يرى بنور الله عز
[23:02] وجل عمر بن الخطاب. عمر بن الخطاب كان موجود في أمره، وكان في إمارة المؤمنين. وأول مرة يجي بقى
[23:11] الأشتر النخعي إلى المدينة المنورة في عهد عمر بن الخطاب، جاي مع وفد من قبيلة النخع يزور عمر بن الخطاب،
[23:20] فدخلوا عليه. شوف بقى رأي عمر بن الخطاب في الأشتر النخعي وأول مرة يشوفه.
[23:25] يحكي عبد الله بن سلمة قال:
[23:29] "دخلنا على عمر معاشر مذحج" (مذحج اللي هو فرع من النخع اللي منه الأشتر النخعي) "وكنت من أقرب من أقربهم
[23:38] منه مجلساً" (عبد الله بن سلمة بيحكي إن أنا كنت قريب جداً من عمر بن الخطاب، فجعل عمر، هو قاعد
[23:44] جنب عمر ليه بيقول الجملة دي؟ عشان يقول لك أنا ملاحظ نظرات عمر صح، أنا مش قاعد بعيد فمش واخد
[23:51] بالي أنا قاعد جنب عمر أقربهم مجلساً إلى عمر). فشايف عمر بينظر إلى الوفد نظرات ريبة. عمر بن الخطاب يعني
[24:00] يرى بنور الله زي ما قلنا. "فجعل عمر ينظر إلى الأشتر ويصرف نظره"، أهو يعني يبص للأشتر ويرجع ثاني يبص
[24:07] بعيد ويرجع ثاني يبص للأشتر ويرجع يبص بعيد، محتار في أمر الراجل ده. وماتكلمش ولا كلمة، الأشتر ما قالش ولا
[24:16] جملة لحد دلوقتي لكن هو بينظر له نظرات كده غريبة. "فقال" بيسأل بقى عبد الله بن سلمة "أمنكم هذا؟" هو
[24:27] الراجل الأشتر ده داخل معاكم منكم ولا داخل مع الوفد كده؟ "قلت نعم يا أمير المؤمنين. قال: ما له قاتله
[24:37] الله، كفى الله أمة محمد صلى الله عليه وسلم شره! والله إني لأحسب" كلام عمر "والله إني لأحسب أن للناس
[24:48] منه يوماً عصيباً". بس خلص الموقف. إيه ده؟ من قبل الحدث ما يحصل بـ 20 سنة. الموقف ده قبل قصة
[25:00] الأشتر النخعي بـ 20 سنة. ومع ذلك زي ما أنتم شايفين كده القصة يرى بنور الله عز وجل.
[25:07] يقول رسولنا
[25:09] صلى الله عليه وسلم: "اتقوا فراسة المؤمن فإنه ينظر بنور الله عز وجل"، ثم قرأ "إن في ذلك لآيات للمتوسمين"
[25:22] متوسمين يعني المتفرسين اللي بيقدر يقرأ المستقبل من غير ما يكون يعرف الغيب بالفراسة بنور الله عز وجل، كما فعل
[25:32] عمر بن الخطاب رضي الله وأرضاه في هذا الموقف. طبعاً المواقف اللي زي كده من عمر بن الخطاب كثيرة، ده
[25:37] مش موضوعنا النهارده نتكلم عن عمر بن الخطاب لكن إحنا ذكرنا قصة لعلاقتها بالأشتر النخعي.
[25:41] هذا شيء من لغز الأشتر
[25:44] النخعي. أنا بقول الكلام ده كله عشان بيني وبينك كده تبقى عاذر معاوية بن أبي سفيان شوية رضي الله عنه
[25:52] لما يجي يقاتل بعد كده علي بن أبي طالب ويلاقي إن الأشتر النخعي في جيش علي بن أبي طالب، وهو
[25:57] اللي كان مَقْلَب على عثمان بن عفان سنتين ومحاصره لحد آخر أيامه، وحتى لو كان تاب في الآخر، فهو اللي
[26:04] جايب كل أهل الكوفة حوالين بيت عثمان بن عفان. فتعرف إن إزاي أقاتل؟ يعني إزاي أنا مع كل اللي عمله
[26:13] ده أحطه في الميمنة بتاعتي أو أقدمه أو أُوَلّيه مصر؟ فبيبقى لغز مش عارفين يحلوه. علي بن أبي طالب عرف يحله؛
[26:23] لأن علي بن أبي طالب فقيه وقائد، مش مجرد مسلم أصاحبه ولا ما أصاحبوش. الأشتر النخعي ده قائد دولة، لازم يتفرق
[26:32] يتصرف بالطريقة دي. الرسول صلى الله عليه وسلم لما دخل مكة أعطى أبا سفيان مع إن أبو سفيان كان مسلم
[26:39] بالعافية، ما كانش عايز يسلم ومتردد جداً في الإسلام. لما أسلم الرسول عليه السلام أعطى له ك الكثير وأعطى أعطى لأولاده
[26:47] وأعطى لقادة مكة؛ لأنه هو قائد وفقيه بيتعامل مع الظاهر، مالوش دعوة بالبواطن اللي في داخل الإنسان. وفي نفس الوقت
[26:56] هو بيدير دولة محتاج الدولة دي تستقر على قواعد معينة مش مجرد العاطفة اللي بتحكمني.
[27:02] دي طرف أو دي أجزاء
[27:05] من لغز الأشتر النخعي. أنا عارف بعد كل اللي أنا قلته ده هيتفضل في تساؤلات مالهاش إجابة عند كل واحد
[27:11] فيكم، لكن هي دي طبيعة الفتنة وطبيعة التاريخ اللي يكون فيه أمور كثيرة ملخبطة. إن شاء الله في الحلقة القادمة
[27:19] نتكلم على نهايات معركة الجمل، وعلى محمد بن أبي بكر اللي هو له مواقف شبيهة جداً جداً بقصة الأشتر النخعي،
[27:28] محتاجين نعرفها برضه بالتفصيل. جزاكم الله خيراً والسلام عليكم ورحمة الله وبركاته.